ثمن كلامكـ الله يهديكـ

بعض البشر لامن حشمته طمع فيك
وبعض البشر لامن جفيته يودك ..

وبعض البشر يتعب على شان يرضيك
وأغلى من أخوانه بقلبه يعـــــــدك ..

ويا صاحبي هالحين بانت خوافيـك
علقـتني مابين مزحـك وجدك ..

وش جاك مني يا عشيري وأنا أخيك
قبل أمس أنا صاحبك واليوم نـــدك ..

لا ضاق صدري من عنا وقتنا اجيك
وأشوف دمعات الغلا فوق خـــدك ..

والحين تظلمني وأنا منك وفيـك
بكل إحـــترام أقول يا خوي حــدك ..

ثمن كلامك ياعسى اللهيهديك
لاصار ماي الوجه يعجز يــردك ..

ثوب الردى يا صاحبي ما يقديك
الثوب لا ثوبك ولا القـــد قـــدك ..

أنا أول انسان اذا ضقت يجيك
حتى ولا أذكر يوم وقـــــفـت ضـدك ..

ما تذكر إني بالوفا كنت اجازيك
وانت تجازيني بظلمك وصـــدك ..

لكن خلاص اليوم والله مابيك
النفس طابت ســو ماهـــو بــودك ..

الطعنه اللي من ورى الظهر تنهيك
وشلون لا جاتـك من اللي يــودك ..

لا واهني يوم انا اموت بيديك
ذابح وتبكـي من ذبحته بيــدك ,,